ಹಂದಿ ಸಾಕಾಣಿಕೆ ಮೂಲಕ ಲಕ್ಷಾಂತರ ರೂಪಾಯಿ ಗಳಿಸಬಹುದು ಅದು ಹೇಗೆ?

 ಇತ್ತೀಚಿನ ದಿನಗಳಲ್ಲಿ ಯುವ ರೈತರು ಕೃಷಿಯಲ್ಲಿ ಉತ್ತಮ ಲಾಭ ಗಳಿಸುತ್ತಿದ್ದಾರೆ. ಕೃಷಿಯ ಹೊರತಾಗಿ ಕೋಳಿ ಸಾಕಾಣಿಕೆ, ಡೈರಿ, ಫಾರಂ ಮುಂತಾದ ವ್ಯಾಪಾರ ಮಾಡಿ ಉತ್ತಮ ಆದಾಯ ಪಡೆಯುತ್ತಾ ಸ್ವಾವಲಂಬಿಗಾಗಿ ಜೀವನ ಸಾಗಿಸುತ್ತಿದ್ದಾರೆ. 

ಇದೇ ರೀತಿಯ ವ್ಯಾಪಾರಗಳನ್ನು ನೀವು ಸಹ ಮಾಡಬಹುದು. ಹಂದಿ ಸಾಕಣೆಯಿಂದ ಸಾವಿರಾರು ರೂಪಾಯಿಗಳ ಲಾಭವನ್ನು ಗಳಿಸಬಹುದು ಎಂದು ನಿಮಗೆ ತಿಳಿದಿದೆಯೇ? ಹೌದು.. ಸಾಮಾನ್ಯವಾಗಿ ಹಂದಿಗಳನ್ನು ಕಂಡರೆ ಓಡಿ ಹೋಗುತ್ತೇವೆ. ಆದರೆ ಈಗ ಈ ವಲಯದಿಂದ ಉತ್ತಮ ಲಾಭ ಬರುತ್ತಿದೆ. ಹಂದಿ ಸಾಕಾಣಿಕೆ ಉದ್ಯಮದಲ್ಲಿ ಖರ್ಚು ಕಡಿಮೆ, ಲಾಭವೂ ಹೆಚ್ಚು. ಪ್ರಸ್ತುತ ಈ ಹಂದಿಗಳಲ್ಲಿ ಹಲವು ವಿಧಗಳಿವೆ. ದೊಡ್ಡ ಯಾರ್ಕ್ಷೈರ್ ತಳಿ, ಲಾಂಡ್ರಾಸ್, ಟ್ಯಾಮ್ವರ್ತ್, ಚೆಸ್ಟರ್ ವೈಟ್, ಹ್ಯಾಂಪ್ಶೈರ್, ಪೋಲೆಂಡ್ ಚೀನಾ, ಸ್ಪಾಟೆಡ್ ಪೋಲೆಂಡ್ ಚೀನಾ ಸೇರಿವೆ.

 ಪ್ರಸ್ತುತ ದೊಡ್ಡ ಬಿಳಿ ಯಾರ್ಕ್ಷೈರ್ ತಳಿಯನ್ನು ಬೆಳೆಸಲಾಗುತ್ತಿದೆ. ಕಡಿಮೆ ಜಮೀನು ಹೊಂದಿರುವ ರೈತರು ಮತ್ತು ಕೃಷಿಯನ್ನು ವೃತ್ತಿಯನ್ನಾಗಿ ಮಾಡುತ್ತಿರುವ ಯುವಕರು ಇವುಗಳ ಸಾಕಾಣಿಕೆಯಿಂದ ಹೆಚ್ಚುವರಿ ಆದಾಯ ಪಡೆಯಬಹುದು. ಒಂದೇ ಬಾರಿಗೆ ಬೃಹತ್ ಮಟ್ಟದಲ್ಲಿ ಪ್ರಾರಂಭಿಸದೇ ಕಡಿಮೆ ಸಂಖ್ಯೆಯಲ್ಲಿ ಆರಂಭಿಸಿ, ಅವುಗಳ ಮೂಲಕ ಹಂತವಾಗಿ ಹಂದಿ ಸಾಕಾಣಿಕೆಯ ಉದ್ಯಮವನ್ನು ಬೆಳೆಸಲು ತಜ್ಞರು ಸಲಹೆ ನೀಡುತ್ತಾರೆ.

ನೀವು ಗೊರಕೆಯ ಸಮಸ್ಯೆಯಿಂದ ಬಳಲುತ್ತಿದ್ದೀರಾ?.. ಇಲ್ಲಿವೆ ಗೊರಕೆ ತಡೆಗಟ್ಟಲು ಕೆಲವು ಸಲಹೆಗಳು. 

 ವರ್ಷಕ್ಕೆ ಎರಡು ಬಾರಿ ಹಂದಿಗಳು ಒಮ್ಮೆಗೆ ಕನಿಷ್ಠ 5-14 ಮರಿಗಳಿಗೆ ಜನ್ಮ ನೀಡುತ್ತವೆ. ಈ ಕಾರಣದಿಂದಾಗಿ, ಹಂದಿಗಳ ಗುಂಪು ವೇಗವಾಗಿ ಹೆಚ್ಚಾಗುತ್ತದೆ. ಕೆಲವೇ ದಿನಗಳಲ್ಲಿ ಹಂದಿಗಳ ಸಂಖ್ಯೆ ದ್ವಿಗುಣಗೊಳ್ಳುತ್ತದೆ. ಆದ್ದರಿಂದ ನೀವು ಅವುಗಳನ್ನು ಮಾರಾಟ ಮಾಡಿದಾಗ, ನೀವು ಲಾಭವನ್ನು ಪಡೆಯುತ್ತೀರಿ. ಹಂದಿಮಾAಸ ಸೇವಿಸುವವರ ಸಂಖ್ಯೆ ಹೆಚ್ಚಾಗಿರುವುದರಿಂದ ಪ್ರಸ್ತುತ ಹಂದಿಗಳಿಗೆ ಉತ್ತಮ ಬೇಡಿಕೆಯಿದೆ. ಅವುಗಳ ಬೆಳವಣಿ ತಿನ್ನಲು ಏನು ಇಡುತ್ತೇವೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಹಂದಿಗಳಿಗೆ ಆಹಾರ ನೀಡುವಲ್ಲಿ ಹಲವಾರು ವಿಧಾನಗಳನ್ನು ಅನುಸರಿಸಲಾಗುತ್ತದೆ.

ಹಂದಿಯ ಪೌಷ್ಠಿಕ ಆಹಾರಗಳು

ಮೇವು, ಹುಲ್ಲು, ಅಕ್ಕಿ, ಬೀಜಗಳು, ಮಿನರಲ್ ಮಿಕ್ಸರ್, ಜೋಳ, ಹೋಟೆಲ್ ತ್ಯಾಜ್ಯ, ತ್ಯಾಜ್ಯ ತರಕಾರಿಗಳನ್ನು ಆಹಾರವಾಗಿ ನೀಡಲಾಗುತ್ತದೆ. ಈ ವಿಧಾನಗಳ ವಿಷಯದಲ್ಲಿ ಮುಂಜಾಗ್ರತೆ ವಹಿಸಿದರೆ ಆರೋಗ್ಯದ ಜತೆಗೆ ಅಧಿಕ ಲಾಭವನ್ನೂ ಪಡೆಯಬಹುದು. ಸಾಮಾನ್ಯವಾಗಿ, ಹಂದಿಗಳು 3 ಕೆಜಿ ಆಹಾರವನ್ನು ಸೇವಿಸಿದರೆ, ಅವುಗಳ ದೇಹ ಸುಮಾರು 2 ಕೆಜಿಯಷ್ಟು ಬೆಳೆಯುತ್ತವೆ. ವಿಶೇಷವಾಗಿ ಶೆಡ್ ಅನ್ನು ಸ್ವಲ್ಪ ದೊಡ್ಡದಾಗಿ ಕಟ್ಟಿಕೊಂಡಿರಬೇಕು. ಮರಿಗಳು, ಹಸುಗೂಸು ಮತ್ತು ಹಾಲುಣಿಸುವ ಹಂದಿಗಳನ್ನು ಪ್ರತ್ಯೇಕವಾಗಿ ಇರಿಸುವುದು ರೋಗ ಹರಡುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ ಎಂದು ತಜ್ಞರು ಸಲಹೆ ನೀಡುತ್ತಾರೆ.

 ಜಮೀನಿನ ಬಳಿ ಕೊಳವನ್ನು ಸ್ಥಾಪಿಸಿ. ಸಾಮಾನ್ಯವಾಗಿ, ಬೆಳಿಗ್ಗೆ ಮತ್ತು ಸಂಜೆ ಅವುಗಳನ್ನು ತೊಳೆಯುವುದರಿಂದ ಉತ್ತಮ ಬೆಳವಣಿಗೆ ಇರುತ್ತದೆ. ಹಂದಿಗಳಿಗೆ ಸಾಕಷ್ಟು ಪ್ರಮಾಣದ ಪೌಷ್ಟಿಕಾಂಶದ ಆಹಾರವನ್ನು ನೀಡಬೇಕು.

ಷೋಷಣೆ ಹೇಗೆ?

ಹಂದಿಗಳಿAದ ಹುಟ್ಟಿದ ಮರಿಗಳು ಸಾಯುವ ಸಾಧ್ಯತೆ ಹೆಚ್ಚು. ಹಾಗಾಗಿ ಹುಟ್ಟಿದ 4-5 ದಿನಗಳಲ್ಲಿ ವಿಟಮಿನ್ ಚುಚ್ಚುಮದ್ದು ನೀಡುವುದು ಉತ್ತಮ. ಗುಣಮಟ್ಟದ ಆಹಾರ ನೀಡಿದರೆ ಅವುಗಳ ಬೆಳವಣಿಗೆಯು ವೇಗವಾಗಿರುತ್ತದೆ ಮತ್ತು 5-6 ತಿಂಗಳೊಳಗೆ ತೂಕವು 90 ಕೆಜಿಗೆ ಹೆಚ್ಚಾಗುತ್ತದೆ. ಇದರಲ್ಲಿ ಗಂಡು ಹಂದಿಗಳು ವೇಗವಾಗಿ ಬೆಳೆಯುತ್ತವೆ. ಇವುಗಳ ಮಾರುಕಟ್ಟೆಗೆ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ. ಒಂದು ಕೆಜಿ ಮಾಂಸಕ್ಕೆ 150-200 ರೂ. ಇದೆ. ಮರಿಗಳನ್ನು ಮಾರಾಟ ಮಾಡುವುದರಿಂದ ಒಳ್ಳೆಯ ಲಾಭವೂ ಬರುತ್ತದೆ. ಬೇರೆ ರಾಜ್ಯಗಳಿಗೆ ಮಾಂಸ ರಫ್ತು ಮಾಡಿದರೆ.. ದರ ಸುಮಾರು 400-500 ರೂ. ಇರುತ್ತದೆ ಎನ್ನುತ್ತಾರೆ ಹಂದಿ ಸಾಕಾಣಿಕೆಯಲ್ಲಿ ಯಶಸ್ಸು ಕಂಡ ಯುವ ರೈತರು.

ಹಂದಿ ಸಾಕಾಣಿಕೆ ಮುನ್ನ ತಜ್ಞರ ಸಲಹೆ ತೆಗೆದುಕೊಳ್ಳುವುದು ಉತ್ತಮ.

ಅಧಿಕ ಲಾಭ ತಂದುಕೊಡುವ ಮುದ್ದಿನ ಮೊಲಗಳ ಸಾಕಾಣಿಕೆ ಹೇಗೆ?

 ಇತ್ತೀಚಿನ ದಿನಗಳಲ್ಲಿ ಕೃಷಿಯ ಜೊತೆಗೆ ಅದಕ್ಕೆ ಸಂಬಂಧಿಸಿದ ಕ್ಷೇತ್ರಗಳು ಉತ್ತಮ ಆದಾಯದ ಮೂಲಗಳಾಗುತ್ತಿವೆ. ನಿರುದ್ಯೋಗಿ ಯುವಕರು ಹಾಗೂ ಉದ್ಯೋಗಸ್ಥರು ಕೂಡ ಹಾಲು, ಕೋಳಿ, ಪಶು ಸಾಕಣೆಯಿಂದ ಉತ್ತಮ ಆದಾಯ ಪಡೆಯುತ್ತಿದ್ದಾರೆ.

ಮುಖ್ಯವಾಗಿ ಮೊಲಗಳನ್ನು ಸಾಕುವುದರ ಮೂಲಕ ಆದಾಯವನ್ನು ಗಳಿಸುವ ಅನೇಕ ಜನರಿದ್ದಾರೆ. ಇದರಿಂದಾಗಿ ಹೆಚ್ಚಿನ ಜನರು ಇದೇ ಕೃಷಿಯನ್ನು ತೆಗೆದುಕೊಳ್ಳಲು ಬಯಸುತ್ತಾರೆ. ಆದರೆ, ಇದು ಸೂಕ್ಷ್ಮ ಜೀವಿಯಾಗಿರುವುದರಿಂದ ಹೆಚ್ಚಿನ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಹೇಳಲಾಗುತ್ತದೆ. ಅವುಗಳನ್ನು ಹೇಗೆ ಮಾರಾಟ ಮಾಡುವುದು ಎಂಬುದು ಸ್ಪಷ್ಟವಾಗಿಲ್ಲ. ಹಾಗಾಗಿ ಮಾರುಕಟ್ಟೆಯ ಬೇಡಿಕೆಗೆ ಅನುಗುಣವಾಗಿ ಈ ಮಾರಾಟ ನಡೆಸಿದರೆ ಲಾಭದಾಯಕ ಎನ್ನುತ್ತಾರೆ ತಜ್ಞರು. ಸಂತಾನೋತ್ಪತ್ತಿಗೆ ಸೂಕ್ತವಾದ ತಳಿಗಳೆಂದರೆ ಕ್ಯಾಲಿಫೋರ್ನಿಯಾ ವೈಟ್, ಎಪಿಎಯು ಬ್ಲ್ಯಾಕ್, ಎಪಿಎಯು ಫಾನ್, ಗ್ರೇ ಜೈಂಟ್, ಫ್ಲೆಮಿಂಗ್ ಜೈಂಟ್ ಆಗಿವೆ. 

ಮೊದಲನೆಯದಾಗಿ, 8-12 ತಿಂಗಳ ವಯಸ್ಸಿನ ಮೊಲಗಳನ್ನು ಆಯ್ಕೆ ಮಾಡಬೇಕು. ಪ್ರತಿ 10 ಹೆಣ್ಣು ಮೊಲಗಳಿಗೆ ಒಂದು ಗಂಡು ಮೊಲ ಇರಬೇಕು. 95*20 ಅಡಿ ಅಳತೆಯ ಶೆಡ್‌ನಲ್ಲಿ ಸುಮಾರು 200-250 ಮೊಲಗಳನ್ನು ಸಾಕಬಹುದು ಎಂದು ತಜ್ಞರು ಹೇಳುತ್ತಾರೆ. 

ಮಲ್ಬರಿ ಹಣ್ಣು ತಿನ್ನುವುದರಿಂದ ಎಷ್ಟೆಲ್ಲಾ ಪ್ರಯೋಜನಗಳಿವೆ ತಿಳಿದಿದ್ಯಾ?

ನೀವು ನಿರ್ಮಿಸಿದ  ಜಾಲರಿಗಳಲ್ಲಿ ಒಂದು ಮೊಲಕ್ಕೆ 3 ಚದರ ಅಡಿ, ಹೆಣ್ಣು ಮೊಲಕ್ಕೆ 6 ಚದರ ಅಡಿ, ಬೆಳೆಯುತ್ತಿರುವ ಪ್ರತಿ ಮೊಲಕ್ಕೆ 1 ಚದರ ಅಡಿ. ಪ್ರದೇಶವಿರುವಂತೆ ನೋಡಿಕೊಳ್ಳಬೇಕು. ಜೊತೆಗೆ, ಶೆಡ್‌ನಲ್ಲಿ ಕನಿಷ್ಠ 12 ಗಂಟೆಗಳ ಬೆಳಕನ್ನು ಖಾತ್ರಿಪಡಿಸಿಕೊಳ್ಳಬೇಕು. ಶೆಡ್ ನ ಉಷ್ಣತೆಯು 25-30 ಡಿಗ್ರಿಗಳಷ್ಟು ಮತ್ತು ಗಾಳಿಯಲ್ಲಿ ಆರ್ದ್ರತೆಯು 50% ಆಗಿರುವಂತೆ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಹಗಲು ರಾತ್ರಿ ನೀರು ಸಿಗಬೇಕು. ಬೌಲ್‌ಗಳ ಬದಲು ಡ್ರಿಪ್‌ಗಳ ಮೂಲಕ ನೀರನ್ನು ಒದಗಿಸಿದರೆ, ಕೆಲಸದ ಹೊರೆ ಕಡಿಮೆ ಮಾಡಬಹುದು. 

 ಮೊಲಗಳು ಆರೋಗ್ಯವಾಗಿರಲು 12-18% ಪ್ರೋಟೀನ್ ಆಹಾರವನ್ನು ನೀಡಬೇಕು. ನೀವು ನೀಡುವ ಪ್ರತಿ ನೂರು ಕೆಜಿ ಫೀಡ್‌ಗೆ 50 ಕೆಜಿ ಜೋಳ, 24 ಕೆಜಿ ಶೇಂಗಾ ಮತ್ತು 24 ಕೆಜಿ ಹುಲ್ಲನ್ನು ಆಹಾರವಾಗಿ ತಯಾರಿಸಬೇಕು. ವೆಚ್ಚವನ್ನು ಕಡಿಮೆ ಮಾಡಲು ಲುಸರ್ನ್ ಮತ್ತು ಬರ್ಸೀಮ್ ಹಸಿರು ಹುಲ್ಲುಗಳನ್ನು ಸಹ ಒದಗಿಸಿ. ಮೊಲದ ಹಿಂಡಿನ ಬೆಳವಣಿಗೆಗೆ ಸಂಬಂಧಿಸಿದಂತೆ, ಇವು ಒಂದು ಬಾರಿಗೆ ಸುಮಾರು 10-12 ಮರಿಗಳಿಗಳಿಗೆ ಜನ್ಮ ನೀಡುತ್ತವೆ. ಇವುಗಳ ಗರ್ಭಾವಸ್ಥೆಯು ಕೇವಲ 28-30 ದಿನಗಳು, ಆದ್ದರಿಂದ ಹಿಂಡಿನ ಬೆಳವಣಿಗೆಯು ವೇಗವಾಗಿರುತ್ತದೆ. ಅವುಗಳಲ್ಲಿ ಹೆಚ್ಚಿನವು ಮುಂಜಾನೆ ಜನ್ಮ ನೀಡುತ್ತವೆ. ಹುಟ್ಟುವಾಗ ಅವುಗಳ ತೂಕ ಕೇವಲ 40-60 ಗ್ರಾಂ ಮಾತ್ರ ಇರುತ್ತವೆ. ಸಾಮಾನ್ಯವಾಗಿ ಹೆಣ್ಣು ಮೊಲವು ವರ್ಷಕ್ಕೆ 80-100 ಮರಿಗಳಿಗೆ ಜನ್ಮ ನೀಡುತ್ತದೆ.

ಸಂತಾನಾಭಿವೃದ್ಧಿಗೆ ಬಳಸಲಾಗುವ ಬ್ರೀಡರ್ ಮೊಲವು ಸುಮಾರು 5-6 ಕೆ.ಜಿ ಇರುತ್ತದೆ. ಇದನ್ನು 4-5 ವರ್ಷಗಳವರೆಗೆ ಸಂತಾನೋತ್ಪತ್ತಿಗೆ ಬಳಸಲಾಗುತ್ತದೆ. ಮರಿ ಮೊಲಗಳು ಮುಖ್ಯವಾಗಿ ಪ್ರತಿದಿನ ಹಾಲು ಕುಡಿಯುತ್ತವೆಯೇ? ಅಥವಾ ಎಂಬುದನ್ನು ಗಮನಿಸುವುದು ಅವಶ್ಯಕ. ಜನನದ ನಂತರ 10-15 ದಿನಗಳನ್ನು ತೆಗೆದುಕೊಳ್ಳುತ್ತದೆ, ಅವುಗಳು ಸುಲಭವಾಗಿ ತಿರುಗಾಡಲು ಮತ್ತು ಸ್ವತಂತ್ರವಾಗಿ ಆಹಾರವನ್ನು ತೆಗೆದುಕೊಳ್ಳಲು ಮತ್ತು ತಾಯಿಯಿಂದ ಬೇರ್ಪಡಿಸಲು ಕನಿಷ್ಠ 4-5 ವಾರಗಳು ಬೇಕಾಗುತ್ತವೆ. ಮತ್ತೆ, ಒಂದು ವಾರದ ವಿಶ್ರಾಂತಿಯ ನಂತರ, ತಾಯಿ ಜೋಡಿಯಾದಾಗ, ಸಂತಾನೋತ್ಪತ್ತಿ ಪ್ರಾರಂಭವಾಗುತ್ತದೆ. ಜೊತೆಗೆ, ಶೆಡ್‌ನ ಸ್ವಚ್ಛತೆಯ ಕೊರತೆ ಮತ್ತು ಹವಾಮಾನ ಪರಿಸ್ಥಿತಿಗಳಿಂದಾಗಿ, ಮೊಲಗಳು ಚರ್ಮಕ್ಕೆ ಸಂಬಂಧಿಸಿದ ರೋಗಗಳು ಬರಬಹುದು. 

ಮಾರುಕಟ್ಟೆಯಲ್ಲಿ ಬೆಲೆ ಎಷ್ಟು? 

ಮೊಲದ ಮಾಂಸವು ಚಿಕನ್ ಮತ್ತು ಮಟನ್ ಗಿಂತ ರುಚಿಯಾಗಿರುವುದರಿಂದ ಉತ್ತಮ ಬೇಡಿಕೆಯಿದೆ. ಸುಲಭವಾಗಿ ಮಾರ್ಕೆಟಿಂಗ್ ಮಾಡಬೇಕೆಂದರೆ ಹೋಟೆಲ್, ಧಾಬಾಗಳ ಜೊತೆ ಒಪ್ಪಂದ ಮಾಡಿಕೊಂಡು ಮಾರ್ಕೆಟಿಂಗ್ ಮಾಡಬೇಕು. ಸದ್ಯ ಮೊಲದ ಮಾಂಸದ ಬೆಲೆ 800ರಿಂದ 900 ರೂ. ಇದೆ. ಜೀವಂತ ಮೊಲ ರೂ. 700 ವರೆಗೆ. ಎರಡು ಮೊಲ ಬೇಕಿದ್ದರೆ ಸುಮಾರು ರೂ. ಒಂದು ಸಾವಿರದಿಂದ 200 ರೂ.ವರೆಗೆ ಬೆಲೆ ಇದೆ. ಆದ್ದರಿಂದ ಆಸಕ್ತ ಯುವಕರು ಮತ್ತು ನಿರುದ್ಯೋಗಿಗಳು ಮೊಲ ಸಾಕಾಣಿಕೆಯನ್ನು ಕೈಗೊಂಡು ಉತ್ತಮ ಆದಾಯ ಗಳಿಸಬಹುದು.

ಮೊಲ ಸಾಕಾಣಿಕೆಯನ್ನು ಪ್ರಾರಂಭಿಸುವ ಮೊದಲ ತಜ್ಞರ ಅಭಿಪ್ರಾಯ ಮತ್ತು ಸಲಹೆಗಳನ್ನು ತೆಗೆದುಕೊಳ್ಳುವುದು ಸೂಕ್ತ.

Viral Video: ಬಿಯರ್ ವ್ಯಾನ್ ಪಲ್ಟಿ... ಮದ್ಯಕ್ಕಾಗಿ ಮುಗಿಬಿದ್ದ ಜನರು...!

 Watch Video: ಕಪಿರಾಯನ ನೂತನ ಕೇಶ ವಿನ್ಯಾಸ ನೋಡಿ! ನೆಟ್ಟಿಗರು ಫೀದಾ!!